Twitter-ը թարմացրել է իր ծրագիրը Android պլանշետների համար

Twitter միկրոբլոգների ծառայությունը Android պլանշետների համար ներկայացրել է թարմացված բջջային ծրագիր, որն օգտագործողներին նոր հնարավորություններ է ընձեռում: Ինչպես հաղորդում է Mashable-ը, այն առայժմ հասանելի կլինի միայն Samsung Galaxy Note 10.1 գաջեթի համար: Նոր բջջային ծրագրում ավելացել են մի շարք յուրահատուկ գործառույթներ: Օրինակ` Twitter-ը կկարողանա կիսել գաջեթի էկրանը մեկ այլ բջջային ծրագրի հետ, որը կարող է միաժամանակ օգտագործվել: Մեկ այլ գործառույթի շնորհիվ հնարավոր է իրականացնել լուսանկարների պատկերազարդում: Twitter-ը հնարավորություն կտա նկարել սեփական ժապավենում առկա լուսանկարների վրա, այդ թվում` S-Pen գրչի օգնությամբ: Twitter-ը թարմացրել է նաև իր վիջեթը անհատական համակարգիչների համար: Սկզբնական շրջանում թարմացված բջջային ծրագիրը կհայտնվի Samsung պլանշետներում, առաջինը` Galaxy 10.1-ում: