Twitter-ը մտադիր է փակել #Music ծառայությունը

Twitter-ը մտադիր է փակել #Music երաժշտական ծառայությունը, որը թողարկվել է 2013թ․ ապրիլին և նախատեսված է երգերի փոխանակման, փնտրման և նորույթների արձանագրման համար, հաղորդում է All Things D-ը: Բջջային ծրագիրը թողարկվել է iOS օպերացիոն համակարգի համար, իսկ ծառայության աղբյուր հանդիսանում են iTunes-ը, Spotify-ը և Rdio-ն: Twitter #Music-ը փակելու պատճառն օգտատիրական ցածր պահանջարկն է․ ծառայության բեռնումների քանակը շարունակում է ընկնել: