Google-ը գովազդ կվաճառի Facebook-ում

Google-ի DoubleClick ծառայությունը, որը հնարավորություն է տալիս գովազդներ տեղադրել տարատեսակ կայքերում, Facebook սոցցանցի գովազդային հնարավորություններին մատչման իրավունք կստանա, հաղորդում է Mashable-ը: 2007թ․ Google-ը ձեռք է բերել սոցցանցում գովազդների թողարկման համար նախատեսված DoubleClick-ը: Նախկինում DoubleClick-ի հաճախորդներն ստիպված էին առանձին վճարում իրականացնել վերջինիս համար Facebook սոցցանցում: Այժմ Google ծառայություններից օգտվող գովազդատուները մատչման հնարավորություն կունենան 2012թ․ թողարկված Facebook Exchange գովազդային հարթակին: Այն հնարավորություն է տալիս կենտրոնացնել գովազդային հայտարարությունները, հաշվի առնելով օգտատիրական ակտիվությունն ինչպես սոցցանցի էջերում, այնպես էլ դրանցից դուրս: Google-ի արտադրության ավագ մենեջեր Պայամ Շոդժեյն իր անհատական բլոգում նշել է, որ Facbook-ի հետ վերոնշյալ համագործակցությունը կարևոր դեր կխաղա կորպորացիայի հաջողությունների մեջ: