Բրիտանացի հաքերը կոտրել է ԱՄՆ-ի գաղտնի պորտալները
Civilnet
Մեծ Բրիտանիայում հաքեր է ձերբակալվել, որը մեղադրվում է ԱՄՆ կառավարության համակարգչային համակարգերը և պաշտպանության նախարարությանը պատկանող պորտալները «կոտրելու» մեջ, հաղորդում է Reuters-ը:
Բրիտանացի Լորի Լավը «կոտրել է» հազարավոր համակարգչային համակարգեր, այդ թվում՝ ազգային հակահրթիռային պաշտպանության (MDA), ԱՄՆ զինված ուժերի ինժեներական բաժանմունքի, NASA աերոտիեզերական գործակալության և շրջակա միջավայրի պաշտպանության ռեսուրսները:
Բրիտանացի հաքերը 28 տ է, գործել է ևս երկու հաքերների հետ, որոնց անունները հայտնի չեն: Նրանց նպատակն է եղել ԱՄՆ կառավարության ու ենթակառուցվածքների աշխատանքի խափանումը:
Իրավախախտներին հաջողվել է հարձակումներ իրականացնել բավական երկար ժամանակ: Առաջին հարձակումը գրանցվել է դեռևս 2012թ․ հոկտեմբերին, իսկ վերջինը՝ այս սեպտեմբերին, արդյունքում հաշվարկվել է մի քանի մլն դոլարի վնաս:
Թեմա
Պատմություններ
