Civilnet
Թուրքիայի խորհրդարանի պատգամավոր, Ժողովրդահանրապետական կուսակցության փոխնախագահ Սեզգին Թանրըքուլուն դիմել է Թուրքիայի Ազգային մեծ ժողովին՝ առաջարկելով Հրանտ Դինքի պատվին փողոց անվանակոչել, գրում է «Ակօսը»:
Քեմալական կուսակցության պատգամավորն առաջարկում է Ստամբուլի Շիշլի թաղամասի պողոտաներից մեկն անվանել հանրային համերաշխության և մշակութային բազմազանության խորհրդանիշ ընկալվող Հրանտ Դինքի անունով:
Թանրըքուլուն, կարևորելով Դինքի գործը, նշում է, որ Հրանտ Դինքը Թուրքիայի պատմության մեջ իր կարևոր տեղն ունի և նրա պատվին փողոց անվանակոչելը նպատակ ունի հիշատակը հավերժ պահել:
Դինքի սպանությունից հեո որոշ քաղաքացիներ Ստամբուլի Շիշլի թաղամաս փողոցներին մեկը կոչել էին Դինքի անունով և վահանակ փակցրել: 2010թ. փետրվարին Ստամբուլի քաղաքի համապատասխան մարմիններին առաջարկ էր արվել Շիշլիի պողոտաններից մեկը կոչել Դինքի անունով: Սակայն քաղաքային խորհուրդը ձայների մեծամասնությամբ մերժել էր այդ առաջարկը: Ավելին՝ մերժվել էր նաև «Շաֆաք» անունով փողոցը (թուրեքերն՝ «արշալույս»), Դինքի անունով կոչել: Քաղաքային խորհուրդը իր ժխտական պատասխանը հիմնավորել էր այն փաստարկներով, թե փողոցների, հրապարակների այգիների անվանումների փոփոխությունը հարված է հասցնում մշակութային արժեքներին, առաջացնում հասցեները գտնելու դժվարություններ ու շփոթմունք, պատճառ դառնում նյութական կորուստների, ինչպես նաև վտանգավոր է անվտանգության տեսանկյունից:
Պատմություններ
