Սոչիի Օլիմպիադայում Հայաստանը կներկայացնի չորս մարզիկ

Սոչիում փետրվարի 7–ին մեկնարկելիք Ձմեռային օլիմպիական խաղերում Հայաստանը կներկայացնեն երեք դահուկավազորդ և մեկ լեռնադահուկորդ: Այս մասին ՍիվիլՆեթին տեղեկացրին Հայաստանի ազգային օլիմպիական կոմիտեի մամուլի ծառայությունից:

Կոմիտեում նշեցին, որ մարզիկների անունները դեռ հայտնի չեն և կհրապարակվեն ավելի ուշ:

Armsport.am-ը, վկայակոչելով Հայաստանի դահուկային սպորտի ֆեդերացիան, տեղեկացնում է, որ Հայաստանը կներկայացնեն դահուկավազորդներ Սերգեյ Միքայելյանը, Արթուր Եղոյանը, Կատյա Գալստյանը և լեռնադահուկորդ Արման Սերեբրակյանը:

Օլիմպիական կոմիտեում սակայն այս անունները պաշտոնապես չհաստատեցին: 

Սոչիում Հայաստանը ներկայացնող հավանական թեկնածուները հինգն էին: Նրանք հունվարի 16-ին ենթարկվել էին Հայաստանի հակադոպինգային կազմակերպության ստուգմանը: