Հավակնորդների մրցաշար. Արոնյանը չօգտվեց մրցակիցների սայթաքումից

Խանտի Մանսիյսկում կայացել է հավակնորդների մրցաշարի 6-րդ տուրը։ 

Ինչպես հաղորդում է Chess.am-ը, Լևոն Արոնյանը սպիտակ խաղաքարերով մրցել է Դմիտրի Անդրեյկինի հետ: Կողմերը փոխանակվել են 47 քայլ: Գրանցվել է ոչ-ոքի։

6-րդ տուրում պարտիան առաջինն ավարտել են Վիշվանաթան Անանդն ու Սերգեյ Կարյակինը: Այստեղ ևս ոչ-ոքի արդյունք է գրանցվել։ Բավականին հետաքրքիր պայքարում է ընթացել Տոպալով – Կրամնիկ դիմակայությունը, որում ավելի ուժեղ գտնվել է Տոպալովը:

Տուրի մյուս՝ Մամեդյարովի և Սվիդլերի միջև խաղարկված պարտիան ավարտվել է ադրբեջանցու հաղթանակով:

Արոնյանն, առայժմ, կես միավոր է զիջում Անանդին և ընթանում է երկրորդ տեղում:

Վաղը հանգստյան օր է հայտարարված մրցաշարում։

Մրցաշարային աղյուսակը 6-րդ տուրից հետո`

1. Անանդ 4 
2. Արոնյան 3,5 
3. Տոպալով 3 
4. Կրամնիկ 3 
5. Մամեդյարով 3 
6. Սվիդլեր 3 
7. Կարկային 2.5 
8. Անդրեյկին 2