Հավակնորդների մրցաշար. Արոնյանը կրկին ոչ-ոքի խաղաց

Ռուսաստանի Խանտի-Մանսիյսկ քաղաքում ընթացող հավակնորդների մրցաշարի 11-րդ տուրում Շախմատի Հայաստանի հավաքականի առաջատար Լևոն Արոնյանը ոչ-ոքի է խաղացել Ռուսաստանը ներկայացնող Պետեր Սվիդլերի հետ, հաղորդում է Chess.am կայքը:

Մարտի 25-ին Արոնյանը միավորը կիսել էր Վեսելին Տոպալովի հետ: 

11-րդ տուրից հետո Հայաստանի հավաքականի առաջատարն ունի 6 միավոր և մեկ միավորով զիջում է աշխարհի նախկին չեմպիոն, Հնդկաստանը ներկայացնող Վիշվանաթան Անանդին: Վերջինս ոչ-ոքի է խաղացել ռուսաստանցի Վլադիմիր Կրամնիկի հետ։ Շարունակվում է Սերգեյ Կարյակին (Ռուսաստան) - Վեսելին Տոպալով (Բուլղարիա) Տոպալով պարտիան։