ԱՄՆ արձագանքը՝ Էրդողանի ուղերձին
Civilnet
Մենք ողջունում ենք վարչապետ Էրդողանի կողմից հայերի՝ 1915թ. կրած տառապանքների պատմական ճանաչումը: Այսպիսի հայտարարություն է արել ԱՄՆ Պետքարտուղարության խոսնակ Ջեն Պսակին:
«Մենք ողջունում ենք վարչապետ Էրդողանի կողմից հայերի՝ 1915թ. կրած տառապանքների պատմական ճանաչումը,- ասել է Պսակին: - Հավատացած ենք, որ սա դրական նշան է առ այն, որ հնարավոր է հասնել այն փաստերի ամբողջական, անկեղծ և արդարացի ճանաչմանը, որոնք, հուսով ենք, կնպաստեն թուրք և հայ ժողովուրդների միջև հարաբերությունների բարելավմանը»,- ասել է Պսակին:
Ապրիլի 23-ին Թուրքիայի վարչապետ Ռեջեփ Թայիփ Էրդողանը հանդես է եկել ուղերձով՝ «1915թ. իրադարձությունների» վերաբերյալ: Յոթ լեզուներով հրապարակված ողերձում Էրդողանն անդրադարձել է «Առաջին աշխարհամարտի ժամանակ հայերի կրած տառապանքներին»:
Ուղերձի հրապարակմանը ժամեր անց արձագանքել է ԱՄՆ Հայ դատի հանձնախումբը, որի հայտարարության մեջ մասնավորապես ասված էր․«Լինելով միջազգայնորեն ավելի ու ավելի մեկուսացված՝ Անկարան «վերափաթեթավորում է» Ցեղասպանության իր ժխտումները։
Պատմություններ
