112 և 911 զանգահարելը` անվճար

Արտակարգ իրավիճակների արագ արձագանքման ծառայության թեժ գծի 112 և 911 հեռախոսահամարներին կատարված զանգերը ներկայում «ՎիվաՍել-ՄՏՍ»-ի բջջային ցանցի ծածկույթի սահմաններում անվճար են թե՛ «ՎիվաՍել-ՄՏՍ»-ի և թե՛ ՀՀ այլ բջջային օպերատորների բաժանորդների համար: Ինչպես հաղորդում են «ՎիվաՍել-ՄՏՍ»-ի մամուլի ծառայությունից, մանրամասն տեղեկություններ ստանալու համար կարելի է օգտվել www.mts.am կայքից կամ pda.mts.am բջջային կայքից և զանգահարել 111 անվճար հեռախոսահամարով: Մարտի 31-ին Հանրային ծառայությունները կարգավորող հանձնաժողովի անդամ Սամվել Արաբաջյանը հայտարարել էր, որ Հայաստանյան բջջային օպերատորների բաժանորդներն այսուհետ անգամ ծածկույթի բացակայության պայմաններում կարող են զանգահարել արտակարգ պատահարների արագ արձագանքման 911 և 112 ծառայության հեռախոսահամարներին: