Civilnet
Ֆուտբոլի Աշխարհի 2014 թվականի առաջնության առաջին խաղում Բրազիլիայի հավաքականը մեծ դժվարությամբ հաղթեց Խորվաթիայի ընտրանուն և վաստակած 3 միավորով գլխավորեց A խմբի մրցաշարային աղյուսակը:
Հանդիպման 11-րդ րոպեին հաշիվը բացեց Մարսելոն, ով խորվաթ հարձակվող Իվիցա Օլիչի փոխանցումից հետո դարձավ ինքնագոլի հեղինակ: Առաջին խաղակեսում տանտերերին հաջողվեց հավասարեցնել հաշիվը. 29-րդ րոպեին գոլի հեղինակ դարձավ Նեյմարը: Երկրորդ խաղակեսի սկիզբն անցավ բրազիլացիների առավելությամբ, և 71-րդ րոպեին նրանք առաջ անցան հաշվի մեջ, թեև մրցավարը կասկածելի 11 մետրանոց նշանակեց, որն իրացրեց Նեյմարը:
Հանդիպման վերջնամասն անցավ Խորվաթիայի բացահայտ առավելությամբ, այդուհանդերձ, նրանց չհաջողվեց գոլ խփել, իսկ աշխարհի հնգակի չեմպիոնները օգտվեցին առիթից և լավ հակագրոհ կազմակերպեցին, որը գոլով եզրափակեց Օսկարը: Բրազիլիա - Խորվաթիա՝ 3:1:
Պատմություններ
