Չիլիի հաղթական մեկնարկը

Ավարտվեց 2014 թ. Աշխարհի առաջնության խմբային փուլի հերթական հանդիպումը: Չիլին հաղթեց Ավստրալիային և Հոլանդիայի հետ գլխավորում է B խումբը:

Բացահայտ ֆավորիտի կարգավիճակում դաշտ մտած չիլիացիներն արդեն 14-րդ րոպեին առջևում էին 2:0 հաշվով, մեկական գոլի հեղինակ դարձան Սանչեսն (12 ր.) ու Վալդիվիան (14 ր.):

Թվում էր B խմբի երկրորդ խաղում էլ խոշոր հաշիվն անխուսափելի է, սակայն ավստրալացիներն ու նրանց Թիմի առաջատար Թիմ Կեհիլն այլ կարծիքի էին: Կեհիլը 35-րդ րոպեին կրճատեց տարբերությունը և հետագայում էլ Բրեշիանոյի հետ միասին ջանք չխնայեց հաշիվը հավասարեցնելու համար, սակայն ավելին անել նրանց չհաջողվեց: Իսկ մրցավարի ավելացրած ժամանակում Բասեժուրը դրեց հանդիպման վերջակետը՝ 3:1:

Այսպիսով, Հոլանդիան ու Չիլին 3-ական միավորով գլխավորում են B խումբը, իսկ Իսպանիան ու Ավստրալիան դեռևս միավոր չունեն: