Իսպանիա – Հոլանդիա. կարծիքներ

Աշխարհի առաջնության խմբային փուլի B խմբի Իսպանիա – Հոլանդիա (1:5) հանդիպումից հետո կարծիքներ են հայտնել թիմերի մարզիչներն ու ֆուտբոլիստները:

Լուի Վան Գալ - Հոլանդիայի հավաքականի մարզիչ. «Չէի մտածում, որ կարող ենք Իսպանիային 5 գոլ խփել: Այժմ հարկավոր է խուսափել էֆորիայից»:

Վիսենտե Դել Բոսկե – Իսպանիայի հավաքականի գլխավոր մարզիչ. «Խոսքեր չունեմ այս պարտությունը բացատրելու համար: Հոլանդիան ուժեղ էր և հաղթեց: Կասիլիասին չեմ մեղադրում, ամբողջ թիմը վատ խաղաց»:

Չավի – Իսպանիայի հավաքականի կիսապաշտպան. «Իմ կարիերայի վատագույն հանդիպումն էր»:

Ռոբին Վան Պերսի – Հոլանդիայի հավաքականի հարձակվող. «Խելահեղ հանդիպում էր: Մենք 5 գոլ խփեցինք, կարող էինք խփել վեց, յոթ և ութ գոլ»:

Իկեր Կասիլիաս – Իսպանիայի հավաքականի դարպասապահ. «Հոլանդացիները ֆենոմանալ խաղ ցուցադրեցին, իսկ մենք` ոչ: Այժմ հարկավոր է կենտրոնանալ հաջորդ հանդիպման վրա: Չիլիի հետ խաղը եզրափակիչ է մեզ համար»:

Արիեն Ռոբեն – Հոլանդիայի հավաքականի հարձակվող. «Մենք երջանիկ ենք: Ես հպարտանում եմ մեր թիմով, բայց այս հաղթանակը չի կարելի ռևանշ համարել նախորդ եզրափակչում կրած պարտության համար»: