Civilnet
Աշխարհի առաջնության խմբային փուլի B խմբի երկրորդ տուրի առաջին խաղում Հոլանդիայի հավաքականը լուրջ խնդիրներ ունեցավ Ավստրալիայի հետ խաղում և մեծ դժվարությամբ երեք միավոր վաստակեց:
Հանդիպման սկզբում Ավստրալիան ոչնչով չէր զիջում անվանի մրցակցին: Երբ 20-րդ Արիեն Ռոբենը մի քանի մրցակցի շրջանցեց ու բացեց հաշիվը, թվաց, որ ամեն ինչ ընկավ իր տեղն ու հոլանդացիներն այլևս խնդիրներ չեն ունենա, բայց ավստրալացիները համաձայն չէին այդ մտքի հետ: Ընդամենը մեկ րոպե անց Թիմ Կեհիլը անչափ գեղեցիկ հարվածով հավասարեցրեց հաշիվը:
Հաջորդ գոլը գրանցվեց 54-րդ րոպեին: Հոլանդացիների պաշտպանը սեփական տուգանային հրապարակում ձեռքով խաղաց, իսկ Մայլ Յեդինակը հստակ իրացրեց 11 մետրանոցը: Այս անգամ էլ հոլանդացիների պատասխանը երկար սպասեցնել չտվեց, 58-րդ րոպեին Ռոբին Վան Պերսին հաշիվը դարձրեց 2:2;
Որքան էլ անսպասելի է, բայց ավստրալացիները շարունակում էին վտանգավոր գրոհներ կազմակերպել և մի քանի անգամ շատ մոտ էին կրկին առաջ անցնելուն: Այդուհանդերձ, 68-րդ րոպեին Մեմֆիս Դեպայը խփեց Հոլանդիայի երրորդ գոլը, որը հաղթական դարձավ:
Պատմություններ
