Civilnet
Աշխարհի առաջնության խմբային փուլում Իսպանիայի հավաքականը երկրորդ անընդմեջ պարտությունը կրեց և զրկվեց հաջորդ փուլ դուրս գալու հնարավորությունից:
Եթե առաջին տուրում Իսպանիայի պարտությունը Հոլանդիայից որոշակի անակնկալ էր, ապա երկրորդ տուրում Չիլի հաղթանակը աշխարհի գործող չեմպիոնի նկատմամբ բացահայտ սենսացիա էր, թեև չիլիացիները խաղադաշտում ամեն ինչով գերազանցեցին Վիսենտե Դել Բոսկեի սաներին:
Հանդիպման 20-րդ րոպեին հաշիվը բացեց Էդուարդո Վարգասը, իսկ 43-րդ րոպեին Շառլ Արանգուիսն ամրապնդեց Չիլիի առավելությունը: Երկրորդ խաղակեսում իսպանացիները փորձեցին ինչ-որ բան անել, բայց նրանց մոտ այդպես էլ ոչինչ չստացվեց: Չիլին հաղթեց 2:0 հաշվով և Հոլադիայի հետ նվաճեց 1/8 եզրափակչի ուղեգիր:
B խմբի անհաջողակները հայտնի են: Իսպանիան ու Ավստրալիան դեռ միավոր չունեն և վերջին տուրի նրանց միջև հանդիպումը ֆորմալ բնույթ է կրելու, իսկ Հոլանդիա - Չիլի խաղի արդյունքում հայտնի կդառնա խմբի հաղթողը:
Պատմություններ
