Էկվադորը կամային հաղթանակ է տանում Հոնդուրասի նկատմամբ

Մունդիալ 2014-ի խմբային փուլի երկրորդ տուրում Էկվադորի ընտրանին 2:1 հաշվով կամային հաղթանակ տարավ Հոնդուրասի հավաքականի նկատմամբ:

Հանդիպման 31-րդ րոպեին Կարլոս Քոսթլին առաջ մղեց Հոնդուրասին, 3 րոպե անց Էրներ Վալենսիան խփեց պատասխան գոլը: 65-րդ րոպեին նույն Էրներ Վալենսիան արդեն առաջ մղեց Էկվադորին` դառնալով դուբլի հեղինակ: Մնացած ժամանակահատվածում գոլեր չգրանցվեցին:

Այսպիսով, Ֆրանսիան 6 միավորով գլխավորում է E խումբը, Էկվադորն ու Շվեյցարիան ունեն 3-ական միավոր: Հոնդուրասը միավոր չունի, սակայն դեռ չի կորցրել 1/8 եզրափակիչ դուրս գալու հնարավորությունը: Եթե վերջին տուրում Ֆրանսիան խոշոր հաշվով հաղթի Էկվադորին, իսկ Շվեյցարիան պարտվի Հոնդուրասին, ապա վերջինը ձեռք կբերի  1/8 եզրափակչի ուղեգիր: