Civilnet
ԱՄՆ-ի և Գերմանիայի հավաքականների գլխավոր մարզիչներ Յուրգեն Կլինսմանն ու Յոահիմ Լյովը չեն հերքում, որ ընկերներ են, բայց բացառում են պայմանավորված հանդիպում անցկացնելու տարբերակը: Հիշեցնենք, որ Կլինսմանն ու Լյովը 2006 թ. Աշխարհի առաջնության ժամանակ միասին աշխատում էին Գերմանիայի ընտրանու մարզչական շտաբում:
«Այո մենք մտերիմ ենք, բայց Լյովն իր աշխատանքն է կատարում, ես՝ իմ, երկուսս էլ ձգտում ենք հաղթանակի: Սա Աշխարհի առաջնությունն է, ընկերական հարաբերությունների ժամանկը չէ. խմբում առաջին տեղի հարցն է որոշվում»,- ասել է Կլինսմանը:
«Մենք հրաշալի հարաբերություններ ունենք, աշխատել ենք միասին և հարգում ենք միմյանց»,- Նշել է Լյովը, ով նույնպես անհնար է համարել պայմանավորված հանդիպումը:
Մունդիալ 2014-ի երկրորդ տուրից հետո G խումբը 4-ական միավորով գլխավորում են Գերմանիան ու ԱՄՆ-ը, Գանան ու Պորտուգալիան ունեն մեկական միավոր: Եթե վերջին տուրում Կլինսմանի ու Լյովի թիմերը միմյանց միջև հանդիպումն ավարտում են ոչ-ոքի արդյունքով, անկախ Գանա - Պորտուգալիա խաղի ելքից, երկուսն էլ 1/8 եզրափակչի ուղեգիր են ձեռք բերում:
Պատմություններ
