Civilnet
Մունդիալ 2014-ի A խմբի վերջին տուրում Բրազիլիայի ու Մեքսիկայի հավաքականները պարտության մատնեցին համապատասխանաբար Կամերունին ու Խորվաթիային և նվաճեցին 1/8 եզրափակչի ուղեգրեր:
Առաջին տեղը զբաղեցրեց Բրազիլիայի հավաքականը, որը 4:1 հաշվով առավելության հասավ աֆրիկյան թիմի նկատմամբ: 17-րդ րոպեին Նեյմարը բացեց հանդիպման հաշիվը, 26-րդ րոպեին Ժոել Մատիպը հավասարեցրեց այն, բայց 8 րոպե անց նույն Նեյմարը կրկին առաջ մղեց աշխարհի հնգակի չեմպիոններին, 49-րդ րոպեին Ֆրեդն ամրապնդեց բրազիլացիների առավելությունը, իսկ 84-րդ րոպեին Ֆերնանդինյոն հաշիվը դարձրեց խոշոր:
Զուգահեռաբար ընթացող խաղում Մեքսիկայի հավաքականը 3:1 հաշվով վստահ հաղթանակ տարավ Խորվաթիայի նկատմամբ: Այս հանդիպման բոլոր գոլերը գրանցվեցին երկրորդ խաղակեսում: 72-րդ րոպեին հաշիվը բացեց Մեքսիկայի ընտրանու վետերան Ռաֆայել Մարկեսը, 3 րոպե անց Անդրես Գուարդադոն կրկնապատկեց իր թիմի առավելությունը, 82-րդ րոպեին Չիչարիտոն հաշիվը դարձրեց 3:0: 87-րդ րոպեին Իվան Պերիսիչը կրճատեց հաշվի տարբերությունը, բայց ավելին անել Խորվաթներին չհաջողվեց:
Այսպիսով, հայտնի են Մունդիալ 2014-ի 1/8 եզրափակչի առաջին զույգերը՝ Բրազիլիա - Չիլի, Հոլանդիա - Մեքսիկա:
A խումբ
| Տ. | Թիմ | Խ. | Հ. | Ո. | Պ. | Խ.գ. | Բ.գ. | Մ |
| 1 | Բրազիլիա | 3 | 2 | 1 | 0 | 7 | 2 | 7 |
| 2 | Մեքսիկա | 3 | 2 | 1 | 0 | 4 | 1 | 7 |
| 3 | Խորվաթիա | 3 | 1 | 0 | 2 | 6 | 6 | 3 |
| 4 | Կամերուն | 3 | 0 | 0 | 3 | 1 | 9 | 0 |
Պատմություններ
