Civilnet
Աշխարհի առաջնության խմբային փուլի վերջին տուրում Հոնդուրասի հավաքականին հաղթելուց (3:0) հետո Շվեյցարիայի հավաքականը 1/8 եզրափակչի ուղեգիր ձեռք բերեց: Այդ խաղում հեթ-տրիկի հեղինակ դարձավ Խերդան Շաքիրին, ով համոզված է, որ շվեյցարացիները կարող են պայքարել նաև Արգենտինայի հզոր հավաքականի դեմ:
«Աշխարհի առաջնության ժամանակ հեթ-տրիկը մեծ իրադարձություն է, բայց ես չէի խփի այդ գոլերը, եթե խաղընկերներս չլինեին, շատ կարևոր է միասնական լինելը: Հպարտ եմ, որ աշխարհի ուժեղագույն 16 հավաքականների թվում հայտնվեցինք: Սա իսկական երազանք է:
Փոքրիկ Շվեյցարիան ընդդեմ Արգենտինայի: Հասկանում ենք, որ մենք չենք կարող ֆավորիտ լինել, բայց մեզնից կախված ամեն ինչ կանենք: Ֆուտբոլում ամեն ինչ հնարավոր է»,- Շաքիրիի խոսքն է մեջբերում Goal.com-ը:
Նշենք, որ Արգենտինա - Շվեյցարիա հանդիպումը տեղի կունենա Սան Պաուլուում հուլիսի մեկին:
Պատմություններ
