Civilnet
Արգենտինացի լեգենդար ֆուտբոլիստ, Արգենտինայի հավաքականի նախկին մարզիչ Դիեգո Մարադոնան քննադատել է ՖԻՖԱ-ին` ուրուգվայցի հարձակվող Լուիս Սուարեսին որակազրկելու համար:
Հիշեցնենք, որ Լուիս Սուարեսը Իտալիա – Ուրուգվայ (0:1) հանդիպման երկրորդ խաղակեսում կծել էր իտալացիների պաշտպան Ջորջիո Կելինիի ուսը, ինչի համար ՖԻՖԱ-ն ուրուգվայցուն որակազրկեց հավաքականի 9 խաղով, տուգանեց 82 հազար եվրոյով և զրկեց առաջիկա 4 ամսում որևէ ֆուտբոլային գործունեություն ծավալելու իրավունքից:
«Սա ֆուտբոլ է: Ո՞ւմ է սպանել Սուարեսը: Ինչո՞ւ չեն նրան ուղարկում Գուանտանամո (ԱՄՆ-ի ղեկավարության կողմից տարբեր հանցագործությունների համար մեղադրվող մարդկանց հատուկ ճամբար, խմբ.): Սա մաֆիայի որոշած անարդար պատիժ է: Մենք քեզ հետ ենք Լուիսիտո»,- Մարադոնայի խոսքն է մեջբերում AS-ը:
Պատմություններ
