Civilnet
Աշխարհի առաջնության 1/8 եզրափակիչ առաջին խաղում Բրազիլիայի և Չիլիի հավաքականները չկարողացան հիմնական ժամանակում պարզել հաղթողին
Հանդիպման 18-րդ րոպեին տանտերերերին առաջ մղեց Դավիդ Լուիսը, 32-րդ րոպեին Չիլիի հավաքականի առաջատար Ալեքսիս Սանչեսը հավասարեցրեց հաշիվը:
Այդուհետ բրազիլացիներն ավելի ակտիվ էին, բայց Սամպաոլոյի սաները վտանգավոր պահերով չէին զիջում անվանի մրցակցին: Երկրորդ խաղակասում երկու թիմերն էլ ավելի շատ մտածում էին պաշտպանության մասին և պատահական չէ, որ հիմնական ժամանակում հաղթողն ի հայտ չեկավ:
Լրացուցիչ ժամանակում խաղի պատկերը չփոխվեց. բրազիլացիների առավելությունն ակնհայտ էր, բայց Սկոլարիի սաներն այդպես էլ չկարողացան գրավել Բրավոյի դարպասը, իակ լրացուցիչ ժամաակի վերջին րոպեին Պինիլիան կարող էր Չիլիին դուրս բերել ¼ եզրափակիչ, բայց նրա հարվածից հետո գնդակը ետ մղվեց դարպասաձողից:
Ամեն ինչ որոշվեց 11 մետրանոց հարվածաշարի արդյունքում, բրազիլացիներն ավելի դիպուկ իրացրին և հենց նրանք կխաղան ¼ եզրափակչում: Ետխաղյա 11 մետրանոցների ժամանակ կրքերը հասել էին գագաթնակետին.Ժուլիո Սեզարը ետ մղեց չիլիացիների առաջին երկու հարվածները, Կլադիո Բրավոն իր հերթին ետ մղեց Հալքի հարվածը, իսկ Վիլիանը վրիպեց 11 մետրանոց նշակետից:
2:2 հաշվի ժամանակ Նեյմարը գրավեց Բրավոյի դարպասը, իսկ Գոնսալո Յարայի հարվածը ետ մղվեց դարպասաձողից: Բրազիլիան քառորդ եզրափակչում է, Չիլին լքում է Մունդիալ 2014-ը:
Պատմություններ
