Civilnet
Աշխարհի առաջնության ռմբարկուների ցանկը գլխավորող Խամես Ռոդրիգեսը, ում դուբլի շնորհիվ Կոլումբիայի ընտրանին հաղթեց Ուրուգվային (2:0) և քառորդ եզրափակչի ուղեգիր նվաճեց, հայտարարել է, որ ցանկանում է հաղթել նաև տանտերերի՝ Բրազիլիայի հավաքականին:
«Չենք ցանկանում բավարարվել ձեռք բերածով: Պետք է զգույշ լինենք Բրազիլիայի հավաքականի հետ խաղում, քանի որ այնտեղ հրաշալի ֆուտբոլիստներ են խաղում, բայց բրազիլիացիներին էլ զգուշությունը չի խանգարի: Հրաշալի հանդիպում է սպասվում, և ամեն ինչ անելու ենք հաղթելու համար:
Գոլ խփելը միշտ էլ հաճելի է, հատկապես ազգային հավաքականի կազմում: Հուսով Բրազիլիայի հետ խաղում նույնպես աչքի կընկնեմ»,- Ռոդրիգեսի խոսքն է մեջբերում L'Equipe-ը:
Մունդիալ 2014-ի քառորդ եզրափակիչ Բրազիլիա - Կոլումբիա հանդիպումը կկայանա հուլիսի 5-ին, Ֆորտալեզեում:
Պատմություններ
