Սուարեսը հրապարակավ խոստացել է այլևս չկծել ոչ մեկին

Ուրուգվայի հավաքականի հարձակվող Լուիս Սուարեսը ցավում է Աշխարհի առաջնության խմբային փուլի Իտալիա - Ուրուգվայ հանդիպման ժամանակ տեղի ունեցած միջադեպի համար և խոստանում է, որ այլևս նման բան չի կրկնվի:

Սուարեսը Twitter միկրոբլոգերի իր էջում հրապարակել է իր նամակի սքրինշոթը:

«Մի քանի օր ընտանիքիս հետ տանն անցկացնելուց հետո հնարավորություն ունեցա մտածել Իտալիա - Ուրուգվայ  (0:1) հանդիպման ժամանակ տեղի ունեցածի մասին: Անկախ վերջին օրերին հնչած որոշումներից, որոնք իմ թիմի հաջող ելույթները միտումնավոր վնասելու համար չեն կայացվել, ամենակրևորն այն է, որ իմ կծածից տուժել է Ջորջիո Կելինին»:

-Ես խորապես ցավում եմ կատարվածի համար:

-Ներողություն եմ խնդրում Ջորջիո Կելինիից և ողջ ֆուտբոլային աշխարհից:

-Հրապարակավ խոստանում եմ, որ նման բան այլևս չի կրկնվի:

-Մոնտեվիդեո, հունիսի 30,  2014 թ.