ՖԻՖԱ-ի նախագահ. Սուարեսը մեծ ֆուտբոլիստ է

ՖԻՖԱ-ի նախագահ Զեպ Բլատերն ուրախացել է, որ Ուրուգվայի հավաքականի հարձակվող Լուիս Սուարեսը ներողություն է խնդրել ֆուտբոլային աշխարհից:

«Սուարեսը ֆուտբոլային ընտանիքից ներողություն խնդրեց: Դա նույնպես ֆեյր-փլեյ է: Դա վկայում է այն մասին, որ Սուարեսը մեծ ֆուտբոլիստ է: Հուսով եմ՝ նա կկարողանա վերադառնալ մեծ ֆուտբոլ»,- Բլատերի խոսքն է մեջբերում Goal.com-ը:

Հիշեցնենք, որ Լուիս Սուարեսը  Իտալիա – Ուրուգվայ (0:1) հանդիպման երկրորդ խաղակեսում  կծել էր իտալացիների պաշտպան Ջորջիո Կելինիի ուսը, ինչի համար ՖԻՖԱ-ն ուրուգվայցուն որակազրկեց հավաքականի 9 խաղով, տուգանեց 82 հազար եվրոյով և զրկեց առաջիկա 4 ամսում որևէ ֆուտբոլային գործունեություն ծավալելու իրավունքից: