Civilnet
Մի քանի ժամից կմեկնարկի Մունդիալ 2014-ի առաջին կիսաեզրափակիչը: Տանտերերի՝ Բրազիլիայի հավաքականը ուժերը կչափի Գերմանիայի ընտրանու հետ: Այս թիմերից յուրաքանչյուրը 100-ից ավելի հանդիպում է անցկացրել աշխարհի առաջնությունների եզրափակիչ փուլերում, բայց միմյանց միջև ընդամենը մեկ հանդիպում են անցկացրել՝ Մունդիալ 2002-ի եզրափակչում Բրազիլիան հաղթեց 2:0 հաշվով:
Գերմանիայի հավաքականը 16 խաղ անընդմեջ պարտություն չի կրել, իսկ բրազիլացիները սեփական հարկի տակ վերջին 42 հանդիպումներում չեն պարտվել:
Բրազիլիան ընդամենը մեկ անգամ է պարտվել աշխարհի առաջնության կիսաեզրափակչում՝ 1938 թվականին՝ Իտալիային: Այդուհետ բոլոր 6 կիսաեզրափակիչներում նրանք հաղթել են մրցակիցներին ու մտել եզրափակիչ: Գերմանին այս տարի յուրօրինակ ռեկորդ սահմանեց՝ դառնա;ով միակ հավաքականը, որը 4 անգամ անընդմեջ կիսաեզրափակչում հանդես գալու իրավունք ձեռք բերեց:
Ընդհանրապես այս հավաքականներն իրար հետ խաղացել են 20 անգամ, 12 խաղ հաղթել են բրազիլացիները, 4 խաղ՝ գերմանացիները, ևս 5 հանդիպում խաղաղ ելք է ունեցել:
Թիմերի հնարավոր մեկնարկային կազմերը.
Բրազիլիա - Սեզար, Մայկոն, Լուիս, Դանթե, Մարսելո, Գուստավո, Ֆերնանդինյո, Հալք, Օսկար, Վիլյան, Ֆրեդ:
Գերմանիա - Նոյեր, Լամ, Բոատենգ, Հյումելս, Հևեդես, Խեդիրա, Շվայնշտայգեր, Կրոս, Օզիլ, Մյուլլեր, Գյոթսե:
Պատմություններ
