Երկրպագուները Բրազիլիայում բազմաթիվ ավտոմեքենաներ են այրել

Բրազիլացիները ծանր են տարել իրենց հավաքականի ամենախոշոր հաշվով պարտությունը: Մունդիալ 2014-ի կիսաեզրափակչում Գերմանիայի հավաքականին 1:7 հաշվով պարտվելուց հետո տանտերերի՝ Բրազիլիայի ընտրանու ֆանատները մասսայական անկարգություններ են արել առաջնությունն ընդունող քաղաքներում:

Globo-ի հաղորդմամբ՝ անմիջապես խաղից հետո բազմաթիվ մեքենաներ ու ավտոբուսներ են այրվել, խանութներ ու կրպակներ թալանել, տասնյակ մարդիկ ձերբակալվել են: Երկրպագուներից շատերն էլ այրել են Բրազիլիայի դրոշը: