Civilnet
Աշխարհի առաջնության կիսաեզրափակիչ Բրազիլիա - Գերմանիա (1:7) հանդիպումից հետո թիմերի գլխավոր մարզիչները տարբեր տրամադրությամբ են պատասխանել լրագրողների հարցերին:
Գերմանիայի ընտրանու գլխավոր մարզիչ Յոահիմ Լյովն իր ֆուտբոլիստներին համեստության կոչ է արել: «Ոչ ոք, այդ թվում նաև ես, չէինք սպասում, որ նման խոշոր հաշիվ կգրանցվի: Մեր բախտը բերեց, որ արագ գոլ խփեցինք, իսկ 4:0 հաշվից հետո մրցակիցն ընկճվեց և այլևս չէր կարողանում պայքարել: Ընդմիջմանն արդեն պարզ էր, որ մենք հաղթելու ենք: Այդուհանդերձ, պետք է համեստ լինենք և հասկանանք, որ ամենակարևոր հանդիպումը դեռ առջևում է»,- ասել է Լյովը:
Բրազիլիայի հավաքականի գլխավոր մարզիչ Լուիս Ֆելիպե Սկոլարին էլ իր վրա է վերցրել պարտության ամբողջ պատասխանատվությունը. «Մենք պարտվեցինք մեծ թիմի: Այսօր Գերմանիայի հավաքականը պարզապես ֆանտաստիկ ֆուտբոլ էր խաղում:
Այս ամոթալի արդյունքի համար ես եմ պատասխանատու, քանի որ ես եմ ընտրում թիմի կազմն ու խաղի մարտավարությունը: Ցանկանում եմ ներողություն խնդրել ամբողջ Բրազիլիայից: Հուսով եմ՝ երկրպագուները մեզ կներեն և կաջակցեն երրորդ տեղի համար խաղում»:
Պատմություններ
