Civilnet
Մունդիալ 2014-ի նախավերջին խաղում Հոլանդիայի հավաքականը 3:0 հաշվով պարտության մատնեց Բրազիլիայի ընտրանուն և նվաճեց բրոնզե մեդալները:
Հանդիպման 2-րդ րոպեին Բրազիլիայի հավաքականի ավագ Տիագո Սիլվան սեփական տուգանային հրապարակում խաղի կանոնները խախտեց Արիեն Ռոբենի նկատմամբ, մրցավարը նշանակեց 11 մետրանոց, որն անվրեպ իրացրեց Ռոբին վան Պերսին: 15 րոպե անց Դեյլի Բլինդը կրկնապատկեց հաշիվը:
Բրազիլացիները ոչ մի ջանք չէին խնայում, բայց երկրորդ հանդիպումն անընդմեջ համոզվեցինք, որ Սկոլարիի սաներն առանց Նեյմարի ոչինչ չեն կարողանում անել հարձակման գծում: Իսկ հոլանդացիները թեև երկրորդ գոլից հետո նախաձեռնությունը զիջել էին մրցակցին, հակագրոհելու առիթը բաց չէին թողնում և ի վերջո երրորդ անգամ գրավեցին Ժուլիո Սեզարի պաշտպանած դարպասը. մրցավարի ավելացրած ժամանակում հանդիպման վերջակետը դրեց Ժորժինյո Վիյնալդումը: Բրազիլիա - Հոլանդիա՝ 0:3:
Առջևում եզրափակիչն է, հաշված ժամեր անց Արգենտինա - Գերմանիա դիմակայության արդյունքում հայտնի կդառան աշխարհի նոր չեմպիոնը:
Պատմություններ
