Civilnet
Առաջնային գծում անցած գիշեր նկատվել է հրադադարի խախտման դեպքերի նվազում, հաղորդում է Լեռնային Ղարաբաղի պաշտպանության նխարարության մամուլի ծառայությունը:
«Պաշտպանության բանակի օպերատիվ տվյալների համաձայն օգոստոսի 9-ից 10-ն ընկած ժամանակահատվածում առաջնային գծի ողջ երկարությամբ հակառակորդի կողմից հրադադարի պահպանման ռեժիմը խախտվել է շուրջ 300 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 6500 կրակոց:
ՊԲ առաջապահ ուժերը հիմնականում հավատարիմ են մնացել հրադադարի պահպանմանը, վստահորեն տիրապետում են իրադրությանն առաջնային գծում և պատասխան գործողությունների դիմում միայն խիստ անհրաժեշտության դեպքում»,- ասված է հաղորդագրությունում։
Ի տարբերություն ղարաբաղ-ադրբեջանական շփման գծի, նախորդ գիշեր Ադրբեջանը գնդակոծել է Տավուշի մարզի սահմանամերձ գյուղերը:
Վերջին երկու շաբաթներին հայ-ադրբեջանական սահմանի և շփման գծի ողջ երկայնքով մի շարք բախումներ էին եղել, որոնց արդյունքում շուրջ երեք տասնյակ զոհ է եղել երկու կողմից, առավելապես՝ ադրբեջանական:
Պատմություններ
