Twitter-ը կհեռացնի մահացածների լուսանկարներն ու տեսանյութերը

Twitter միկրոբլոգների ցանցն այսուհետ կհեռացնի մահացած մարդկանց մարմինների լուսանկարներն ու տեսանյութերը` նրանց հարազատների խնդրանքով, հաղորդում է բրիտանական Sky News հեռուստաընկերությունը: Օգոստոսի 19-ին Սպիտակ տունը դիմել է մի շարք սոցցանցերի` խնդրելով հեռացնել ամերիկացի լրագրող Ջեյմս Ֆոլիի սպանության լուսանկարներն ու տեսանյութերը, որոնք նկարահանվել և սոցցանցերում հրապարակվել էին «Իրաքի և Շամի իսլամական պետություն» խմբավորման զինյալների կողմից: Twitter-ի գործադիր տնօրեն Դիկ Կոստոլոն իր անձնական միկրոբլոգում տեղեկացրել է, որ սոցցանցը սկսել է արգելափակել այն օգտատերերի էջերը, որոնք տեղադրում են  ամերիկացի լրագրողի սպանությանն առնչվող լուսանկարներ: