Խուճապ Facebook-ի պատճառով

ԱՄՆ-ում, Մեծ Բրիտանիայում, Գերմանիայում ու մի շարք երկրներում Facebook սոցցանցի աշխատանքի հետ կապված խնդիրներ են առաջացել։ Mashable աղբյուրը հաղորդում է, որ կայքին առնչվող տեխնիկական խնդիրներն առաջացել են սեպտեմբերի 3-ի երեկոյան` ժամը 23:00-ի մոտակայքում։ Թե ինչ խնդրի հետ է կապված եղել սոցցանցի աշխատանքի խափանումը, դեռ հայտնի չէ։ Խափանումից 10 րոպե անց Facebook-ի օգտատերերը կրկին հնարավորություն են ունեցել մուտք գործել սոցցանց։

Հիշեցնենք, որ 2014թ. մայիս, հունիս և օգոստոս ամիսներին սոցցանցի աշխատանքներում մի շարք խափանումներ են գրանցվել։ Վերջին ամենախոշոր խափանումը տեղի է ունեցել օգոստոսի 1-ին։ Սոցցանցի աշխատանքի յուրաքանչյուր վայրկյան դադարը ընկերությանը 22,5 հազ. դոլար է արժենում, կես ժամը՝ մոտ 0,5 մլն դոլարի վնաս պատճառում։