US Open-ի եզրափակիչում՝ Սերենա Ուիլյամս - Կարոլին Վոզնյացկի

Վաղը՝ սեպտեմբերի 7-ին US Open-ի կանանց մենախաղերի մրցաշարի եզրափակիչում ուժերը կչափեն դանիացի թենիսիստուհի Կարոլին Վոզնյացկին և ամերիկուհի Սերենա Ուիլյամսը։

Նախօրեին Կարոլին Վոզնյացկին հաղթահարել է չինուհի Շուայ Փենի արգելքը։ 7։6, 4։3 հաշվի ժամանակ հօգուտ Վոզնյացկու չինուհին վնասվածք է ստացել։ Բժիշկները նրան կորտից դուրս են բերել հաշմանդամի սայլակով։ Վոզնյացկին արդեն մեկ անգամ խաղացել է US Open-ի եզրափակիչում։ 2009 թվականին նա զիջել էր բելգիացի թենիսիստուհի Քիմ Քլիյսթերսին։

Իր 4-րդ եզրափակչին կմասնակցի Սերենա Ուիլյամսը։ Նա առանց մեծ դժվարության՝ 6։1, 6։3 հաշվով հաղթել է ռուսաստանցի Եկատերինա Մակարովային։

Հիշեցնենք, որ տղամարդկանց մենախաղերի կիսաեզրափակիչներում այսօր ուժերն են չափելու սերբ Նովակ Ջոկովիչն ու ճապոնացի Կեի Նիշիկորին, խորվաթ Մարին Չիլիչն ու շվեյցարացի Ռոջեր Ֆեդերերը։