Սերենա Ուիլյամսն անհատական 6-րդ տիտղոսն է նվաճում US Open-ում

Նյու Յորքում ավարտվել է թենիսի Ամերիկայի բաց առաջնության կանանց այս տարվա մրցաշարը, որի հաղթող է դարձել ամերիկուհի Սերենա Ուիլյամսը։ Նա երկու սեթում 6։3, 6։3 հաշվով առավելության է հասել դանիացի թենիսիստուհի Կարոլին Վոզնյացկու նկատմամբ։ Խաղը տևել է 1 ժամ 15 րոպե։

Այսպիսով, Սերենային հաջողվել է երրորդ անգամ անընդմեջ և վեցերորդ անգամ կարիերայում նվաճել US Open-ի գլխավոր տիտղոսը։ Նախկինում Սերենան հաղթել էր 1999, 2002, 2003, 2012, 2013 թվականներին։

Աշխարհի առաջին ռակետը նվաճել է իր 18-րդ տիտղոսը «Մեծ սաղավարտի» մրցաշարերում՝ այս ցուցանիշով հավասարվելով Քրիս Էվերտին և Մարտինա Նավարատիլովային։ Առաջին հորիզոնականում Շթեֆի Գրաֆն է՝ 22 տիտղոսով։