Դպրոցի ճամփան դժվար է, երկար…

Ըստ ՅՈՒՆԵՍԿՕ-ի՝ վերջին հինգ տարվա ընթացքում երեխաների համար դեպի դպրոց տանող ճանապարհի մատչելիությունը նվազել է: Ամբողջ աշխարհում բազմաթիվ երեխաներ ստիպված են դպրոց հասնելու համար անցնել աներևակայելի դժվար ճանապարհներով: Թվում է, թե լուծումը հեշտ է՝ կառուցել կամուրջներ ու ճանապարհներ, ունենալ դպրոցական ավտոբուսներ: Սակայն որոշ երկրներում, որտեղ շարունակ տեղի են ունենում բնական և այլ աղետներ, ուղղակի չկան դրա համար բավարար ֆինանսական միջոցներ:

Այս լուսանկարներում երևում է երեխաների կրթություն ստանալու մեծ ցանկությունը:

5 ժամանոց ճանապարհ դեպի Չինաստանի Գուլու նահանգում գտնվող ամենահեռավոր դպրոց՝ կես մետր լայնություն ունեցող լեռնային կածանով:

Հարավային Չինաստանում, Ժանգ ջաուան գյուղի դպրոցականները բարձրանում են չամրացված փայտյա աստիճաններով:

Հնդկական Հիմալայներով երեխաներն ուղևորվում են դեպի գիշերօթիկ դպրոց։

Լեբակում (Ինդոնեզիա) դպրոցականներն անցնում են վնասված կամրջով

Կոլումբիայում երեխաները Ռիո Նեգրո գետի վրայով անցնում են պղնձյա լարի միջոցով՝ 400 մետր բարձրության վրա:

Ռիաու, Ինդոնեզիա․ երեխաները դպրոց են ուղևորվում կանոե մակույկներով:

Հնդկաստան․ անտառի միջով՝ ծառերի արմատներից պատրաստված կամրջով:

Մյանմարում այս աղջնակը դասի է գնում ցուլի մեջքին նստած

Բելդանգա, Հնդկաստան․ տուկտուկի վրա

Շրի Լանկայում դպրոցական աղջիկներն անցնում են 16-րդ դարի ամրոցի պատերի վրա դրված բարակ տախտակի վրայով:

Դելի, Հնդկաստան․ ձիակառքի վրա տեղավորված դպրոցականները: