Անկախություն հռչակելու դեպքում շոտլանդացի մարզիկներն Օլիմպիադային կմասնակցեն իրենց դրոշի ներքո․ ՄՕԿ

Միջազգային օլիմպիական կոմիտեն հաշվի կառնի շոտլանդացի մարզիկների շահերը Ռիո դե Ժանեյրոյում 2016 թվականին կայանալիք ամառային օլիմպիական խաղերի ժամանակ, եթե Շոտլանդիայի բնակիչները սեպտեմբերի 18-ին կողմ արտահայտվեն անկախությանը հանրաքվեի ժամանակ։ Այս մասին հաղորդում է Reuters գործակալությունը։

Որակավորման մրցաշարերում Մեծ Բրիտանիայի դրոշի ներքո հանդես եկած բոլոր այն մարզիկները, ովքեր ստացել են Օլիմպիական խաղերին մասնակցելու իրավունք, հնարավորություն կունենան հանդես գալ Շոտլանդիայի դրոշի ներքո։

Տեղեկացնենք, որ եթե սեպտեմբերի 18-ին Շոտլանդիան կողմ քվեարկի անխակությանը, ապա 2016 թվականի մարտի 24-ին այն վերջնականապես դուրս կգա Մեծ Բրիտանիայի կազմից։