300 միլիոն եվրոյով վաճառվում է անգլիական անվանի ակումբներից մեկը

Մայքլ Էշլին, ում պատկանում է անգլիական «Նյուքասլ» հայտնի ակումբը, պատրաստվում է վաճառել այն 7 տարի ղեկավարելուց հետո։ Այս մասին գրում է The Telegraph-ը։

Էշլին պպատրաստվում է մեծացնել իր ներկայությունը նաև շոտլանդական «Ռեյնջերս» ակումբում, սակայն օրենքը թույլ չի տալիս գնել«Ռեյնջերսի» բաժնետոմսերի 10 տոկոսից ավելին, քանի որ Էշլիին է պատկանում այլ ակումբ։

Մայք Էշլին պատրաստ է «կաչաղակներին» վաճառել 287 միլիոն եվրոյով։ 2007 թվականին գործարարը «Նյուքասլը» գնել էր ներկայիս գնի 60 տոկոսով։ Նախորդ տարի «Նյուքասլն» ունեցել է 12 միլիոն եվրոյի շահույթ։