Civilnet
Թուրքիան ներկայացնող ազգությամբ հայ Արի Քիրեմիթչիյանը դարձել է Եվրոպայի շախմատի սիրողական առաջնության հաղթող, հաղորդում է Պոլսի «Ակոս» շաբաթաթերթը։
Մրցաշարն անցկացվել է օգոստոսի 26-ից սեպտեմբերի 2-ը Հունաստանի Էրեթրիա քաղաքում։
Ինը տուրից յոթում Քիրեմիթչիյանը հաղթանակ է տարել, մյուս երկուսում խաղացել է ոչ ոքի։
Ստամբուլահայ Արի Քիրեմիթչիյանն արդեն չորս տարի է՝ հանդես է գալիս որպես անհատ շախմատիստ և մասնակցում է տարբեր մրցաշարերի։ Ավարտելով Ստամբուլի Տատյան հայկական վարժարանը՝ նա ուսումը շարունակել է գերմանական մասնավոր լիցեյում։ Ներկայում Քիրեմիթչիյանն ուսանում է Թուրքիայի ամենահայտնի համալսարաններից մեկի՝ Բողազիչիի համալսարանի մաթեմատիկայի բաժնում։
Հայազգի երիտասարդը շախմատ սկսել է խաղալ հայկական վարժարանում ուսանելու տարիներին։ Քիրեմիթչիյանն ասում է, որ ինքը մեծ հաճույք է ստանում շախմատ խաղալուց և ծրագրում է շարունակել շախմատային կարիերան արտասահմանում։
Պատմություններ
