Քիչ անց հայտնի կդառնան Եվրո 2020-ն ընդունող եվրոպական քաղաքների անունները

Այսօր՝ սեպտեմբերի 19-ին Ժնևում ՈւԵՖԱ-ի կենտրոնական գրասենյակում որոշվելու է, թե որ 13 քաղաքներն են ընդունելու 2020 թվականի Եվրոպայի ֆուտբոլի առաջնությունը։

Առաջին անգամ պատմության մեջ առաջնությունը կայանալու է Եվրոպա մայրցամաքի ամբողջ տարածքում՝ տարբեր երկրների 13 մարզադաշտերում։ Հավակնորդների ցանկում է 19 քաղաքի անուն։ 13 քաղաքաների մարզադաշտերից յուրաքանչյուրը կընդունի խմբային փուլի երկուական հանդիպում և 1/8 կամ 1/4 եզրափակիչների հանդիպումներից մեկը։ Հայտնի է, որ կիսաեզրափակիչներն ու եզրափակիչը կայանալու են երկու քաղաքում՝ Լոնդոնում և Մյունխենում։ Այսօր կորոշվի, թե քաղաքներից յուրաքանչյուրը որ խաղերն է ընդունելու։

Քվեարկությունն այս պահին սկսված է։ Հաղթող քաղաքների անունները հայտնի կդառնան Երևանի ժամանակով 15։00-ին։

Հավակնորդ քաղաքներն են՝ Բաքու (Ադրբեջան), Մինսկ (Բելառուս), Բրյուսել (Բելգիա), Սոֆիա (Բուլղարիա), Կոպենհագեն (Դանիա), Սկոպյե (Մակեդոնիա), Բուդապեշտ (Հունգարիա), Երուսաղեմ (Իսրայել), Հռոմ (Իտալիա), Ամստերդամ (Նիդերլանդներ), Դուբլին (Իռլանդիա), Բուխարեստ (Ռումինիա), Գլազգո (Շոտլանդիա), Բիլբաո (Իսպանիա), Ստոկհոլմ (Շվեդիա), Քարդիֆ (Ուելս), Սանկտ Պետերբուրգ (Ռուսաստան)։