Քնի խանգարման 9 դեպք

Քնի խանգարման այս տեսակները սարսափելի են, իսկ մի քանիսը կարող են մահացու լինել:

1. Պայթող գլխի սինդրոմ
   
   Այս խանգարումից տառապող մարդիկ հաճախ արթնանում են քնելուց մեկ կամ երկու ժամ հետո՝ գլխում թվացյալ բարձր աղմուկից: Դա կարող է լինել թվացյալ ճիչ կամ մեկ այլ բարձր ձայն՝ մինչև ատրճանակի կրակոց, գիտնականները դեռ չեն հասկանում դրա իրական պատճառը:

2. Քլայն-Լևին սինդրոմ
   
   Այս հազվադեպ հանդիպող խանգարումով տառապողները կարող են օրվա մեջ քնել մոտ 20 ժամ: Այն կարող է տևել մի շաբաթից մինչև մեկ ամիս, և տեղի ունենալ տասնամյակը մեկ հաճախականությամբ: Դեղամիջոցը հայտնի չէ:

3. Երազային կաթվածահար վիճակ
   
   Սա տեղի է ունենում քնելու կամ արթնանալու պահին: Մարդը բացարձակապես չի կարողանում շարժվել, թեև որոշ առումով տեսնում ու հասկանում է, թե ինչ է կատարվում շուրջը: Երբեմն արթնանում են վախերը, և մարդը կարող է տեսիլքներ, ինչ-որ մեկի, կամ ինչ-որ բանի սպառնացող ներկայություն զգալ: Ամեն կերպ փորձելով շարժվել և չհասնելով հաջողության՝ մարդուն թվում է, թե ինչ-որ անտեսանելի ուժ գամել է իրեն անկողնուն, խեղդում է և այլն:

4. Ճակատագրական ժառանգական անքնություն
   
   Այս խիստ հազվադեպ անքնության տեսակը, ինչպես անվանումն է հուշում, ճակատագրական է: Այս հիվանդությամբ տառապողների համար մահը վրա է հասնում առաջին նախանշաններից 32 ամիս անց: Հիվանդության արդյունքում ուղեղի աֆերենտ գրգիռներն առաջացնում են ցնորք և շարժման ֆունկցիայի խանգարում: Հիվանդությունը փոխանցվում է ժառանգաբար:

5. Սեքսոմնիա
   
   Մարդը կարող է սեռական բնույթի գործողություններ անել՝ լինելով քնած վիճակում: Սա հաճախ է պատահում նրանց հետ, ովքեր արդեն լուսնոտությամբ են տառապում:

6. 24 ժամ-քուն-արթուն խանգարում
   
   Այս խանգարմամբ տառապողների մոտ հերթափոխվում են 24-25 ժամյա քնելու և արթուն մնալու փուլերը, նրանք անընդհատ ունենում են հոգնածության զգացում: Սա ավելի հաճախ է պատահում կույր մարդկանց մոտ:

7. Նարկոլեպսիա
   
   Բնութագրվում է քնի կարճատև ու հանկարծակի հայտնվող նոպաներով (5– 20 րոպե)։ Հիվանդը կարող է քնել ամենաանսպասելի հանգամանքներում ու վայրերում, սակայն նրան միշտ կարելի է արթնացնել։

8. Սոմնամբուլիզմ
   
   Հիվանդը, քնի երկար փուլից արթնանալով, կիսագիտակից, աչքերը բաց ու մշուշոտ վիճակում գործողություններ է անում՝ սկսած անկողնում նստելուց մինչև ճաշ պատրաստելը, մաքրություն անելը, երևակայական առարկաներ վերցնելը, բացառիկ դեպքերում՝ նաև մարդ սպանելը: Հիվանդության տարատեսակ է սոմնամբուլիստիկ սնվելը, որի դեպքում մարդ մի քանի անգամ ընթրում է՝ առանց հիշելու նախորդի մասին:

9. Անսպասելի գիշերային մահ
   
   Սա ամենավտանգավորն է, քանի որ կարող է պատահել լիովին առողջ մարդկանց հետ: Տարածված է հարավ-արևելյան ասիական երկրներում՝ Թայլանդ, Ճապոնիա և այլն, և՝ հիմնականում արական սեռի ներկայացուցիչների մոտ: Ինչպես հուշում է անվանումը, հանկարծահաս մահը տեղի է ունենում գիշերը, սրտի վայրկենական կանգի պատճառով:

Առողջ եղեք: