Civilnet
Կատարը կարող է զրկվել ֆուտբոլի 2022 թվականի աշխարհի առաջնության անցկացման իրավունքից անբարենպաստ եղանակային պայմանների պատճառով, որոնք կարող են ազդել ֆուտբոլիստների և երկրպագուների առողջության վրա: Նման կարծիք է հայտնել ՖԻՖԱ-ի գործադիր մարմնի անդամ, գերմանացի Թեո Ցվանցինգերը:
Բանն այն է, որ Կատարում ամռանը ջերմաստիճանը տաքանում է մինչև +50: Թեպետ Կատարը երաշխավորում է, որ առաջնութոյւնը կանցկացնի օդափոխվող մարզադաշտերում, այդուհանդերձ բժիշկները չեն երաշխավորում, որ ֆուտբոլիսների առողջությունը չի վտանգվի նման եղանակային պայմանների պատճառով: «Որոշ մարզադաշտերում կիրականցվի օդափոխություն, ինչը կթեթևացնի իրավիճակը: Սակայն մյուս մարզադաշտերում դա նախատեսված չէ: Եթե առողջության հետ կապված միջադեպ լինի, ապա դա կհանգեցնի դատական հետապնդման: ՖԻՖԱ-ի գործադիր մարմնում ոչ ոք նման խնդիր չի ցանկանում ունենալ», - ասել է Ցվանցինգերը գերմանական լրատվամիջոցներին:
Հիշեցնենք, որ Կատարը 2010 թվականի հոկտեմբերին ստացել է 2022 թվականի Մունդիալն անցկացնելու իրավունք: Մեծ Բրիտանիան, որը նույնպես պայքարում էր այդ առաջնության համար, պնդում է, որ Կատարը կաշառել է ՖԻՖԱ-ի գործադիր մարմնի անդամներին: Ներկայում Կատարն առաջարկում է առաջնությունն անցկացնել ձմռանը կամ խորը աշնանը:
Պատմություններ
