CivilnetԱնգլիացի հնգամյա Այրիս Գրեյսը հիանալի օրինակ է այն անսպասելի պարգևների, որոնք ի հայտ են գալիս աուտիզմի շնորհիվ: Իր բացառիկ կենտրոնացման ու մանրամասների նկատմամբ ուշադրության շնորհիվ Այրիսը ստեղծում է աներևակայելի գեղեցիկ նկարներ, որոնք նրա երկրպագուները և գնորդները նմանեցնում են Կլոդ Մոնեի ստեղծագործություններին։Փոքրիկ Այրիսը նոր է սովորում խոսել, մինչդեռ երեխաների մեծամասնությունը սկսում է խոսել երկու տարեկանից սկսած: Նրա ծնողները բացահայտել են երեխայի անսպասելի տաղանդը՝ խոսքի թերապիային զուգահեռ նրան ծանոթացնելով ներկերի ու գեղանկարչության հետ:Ըստ նրա մոր` Արաբելլա Կարտեր Ջոնսոնի, երեխան մոտ երկու ժամ կարող է անընդմեջ նկարել և աուտիզմի շնորհիվ գունախաղի ու գույների միախառնման զարմանալի ընկալման միջոցով ստեղծել յուրահատուկ ոճի նկարներ: Փոքրիկի հետ շատ ժամանակ է անցկացնում նաև նրա թերապևտիկ կատուն՝ Տուլան, որն օգնում է Այրիսին խաղաղ ու հանգիստ զգալ, սակայն նաև քաջալերում է լինել ավելի մարդամոտ ու շփվող:Մանկական աուտիզմը հոգեբանական զարգացման խանգարման յուրահատուկ ձև է, որն ուղեկցվում է հոգեկան ֆունկցիաների ձևավորման տարբեր անհարթություններով, յուրահատուկ հուզավարքային, խոսքային և երբեմն էլ ինտելեկտուալ խանգարումներով:
Աուտիզմով հիվանդ փոքրիկը արվեստի գործեր է ստեղծում
Թեմա
Պատմություններ
