Civilnet
Այսօր հոլանդական Tata Steel կոնցեռնի գլխավոր գրասենյակում կայացել է շախմատային ամենահեղինակավոր մրցաշարերից մեկի (Tata Steel Chess) կազմակերպիչների մամուլի ասուլիսը, որի ժամանակ հայտարարվել է մասնակիցների ամբողջական ցանկը: Այս մասին հաղորդում է Chess-news.ru կայքը:
Tata Steel Chess շախմատայի փառատոնը, որը նաև կոչում են այն ընդունող քաղաքի` Վեյկ ան Զեե քաղաքի անունով, կանցկացվի 77-րդ անգամ, 2015 թ. հունվարի 9-25-ը:
Գլխավոր մրցաշարին կմասնակցի 12 գրոսմայստեր` աշխարհի գործող չեմպիոն Մագնուս Կարլսենը (ընթացիկ վարկանիշը` 2863, Նորվեգիա), ՖԻԴԵ-ի վարկանիշային աղյուսակի երկրորդ համար Ֆաբիանո Կարուանան (2829, Իտալիա), Հայաստանի ուժեղագույն շախմատիստ Լևոն Արոնյանը (2797), Անիշ Գիրին (2775, Հոլանդիա), Ուեսլի Սոն (2762, Ֆիլիպիններ), Մաքսիմ Վաշիե-Լագրավը (2760, Ֆրանսիա), Թեյմուր Ռաջաբովը (2731, Ադրբեջան), Դին Լիրենը (2730, Չինաստան), Վասիլի Իվանչուկը (2726, Ուկրաինա), Tata Steel Chess 2014-ի B մրցաշարի հաղթող Իվան Շարիչը (2678, Խորվաթիա), աշխարհի բազմակի չեմպիոնուհի Հոու Յիֆանը (2673, Չինաստան) և Լյուկ Վան Վելին (2664, Հոլանդիա):
Հիշեցնենք, որ Լևոն Արոնյանը Tata Steel Chess-ի գործող չեմպիոնն է, հայ գրոսմայստերը 3 անգամ հաղթող է ճանաչվել այս գերմրցաշարում (2008 թ., 2012 թ., 2014 թ.):
Պատմություններ
