Հանցագործները բջջային հեռախոսին տիրանալու համար սպանել են ՀԱՀ-ի ազգային հավաքականի ավագին

Հարավաֆրիկյան Հանրապետությունում սպանվել է այդ երկրի ֆուտբոլի ազգային հավաքականի ավագ Սենզի Մեյիվան։

Հայտնի է, որ երեք հոգի ներխուժել են նրա բնակարան, որը գտնվում է մայրաքաղաք Յոհանեսբուրգից 20կմ հեռավորության վրա։ Ոստիկանությունը հայտնում է, որ հարձակվողները փորձել են գողանալ 27-ամյա դարպասապահի բջջային հեռախոսը։

Մեյիվան մահացել է ստացված հրազենային վնասվածքներից։  Ոստիկանությունը խոստացել է 14 հազար դոլար պարգևատրում հանցագործների մասին տեղեկութոյւններ հաղորդողներին։

Մեյիվան հանդես էր գալիս «Օրլանդո Փեյրեթս» թիմում։