Ֆրանսիայում հոկեյի ժամանակ 8-ամյա երեխան մահացել է տափօղակով հարվածից հետո

Ֆրանսիայում ողբերգական միջադեպ է գրանցվել երկրի հոկեյի առաջնությունում։

Խաղի ժամանակ անզգույշ հարվածից հետո տրիբունաների ուղղությամբ նետված տափօղակը սպանել է 8-ամյա մի երեխայի։ Միջադեպը տեղի է ունեցել «Դյունքերք» և «Ռեյմս» թիմերի միջև։

Երեխան ծանր վիճակում տեղափոխվել է հիվանդանոց, սակայն բժիշկներին չի հաջողվել փրկել նրա կյանքը։

Խաղը դադարեցվել է և տեղափոխվել ավելի ուշ ժամկետի։ Ոստիկանությունը քննում է գործը։