Մանչեսթեր Սիթին կարող է հրավիրել Պեպ Գվարդիոլային

Անգլիայի չեմպիոն «Մանչեսթեր Սիթիի» ղեկավարությունը հետաքրքրված է Մյունխենի «Բավարիայի» գլխավոր մարզիչ Խոսեպ Գվադրիոլայի ծառայություններով։ Այս մասին գրում է բրիտանական The Mirror-ը։

Անգլիական ակումբի մարզական տնօրեններ Չիկի Բեգիրիսթայնն ու Ֆեռան Սորիանոն նախկինում աշխատել են Գվարդիոլայի հետ «Բարսելոնայում»։ Այդուհանդերձ, ակումբի ղեկավարությունը մտադիր է ժամանակ տրամադրել գոծող գլխավոր մարզիչ Մանուել Պելեգրինիին, ում թիմը վերջերս անբավարար արդյունքներ է ցուցադրում։ Եթե պահանջները չկատարվեն, ապա Պելեգրինին պաշտոնանկ կարվի։

Մասնավորապես, Պելեգրինիի թիմի Չեմպիոնների լիգայի իր խմբում զբաղեցնում է վերջին հորիզոնականը։ Չորորրդ տուրում «Սիթին» 1։2 հաշվով պարտություն էր կրել սեփական հարկի տակ կայացած խաղում։