Civilnet
Դորտմունդի «Բորուսիայի» կիսապաշտպան Մարկո Ռոյսը չի տեղափոխվի Լոնդոնի «Արսենալ», քանի որ ցանկանում է խաղալ մի ակումբում, որը տիտղոսներ կնվաճի։ Այս մասին գրում է Caughtoffside.com կայքը։
«Զինագործները» նախկինում ցանկություն են հայտնել ձեռք բերել 25-ամյա ֆուտբոլիստին։ Սակայն Գերմանիայի հավաքականի հարձակվողական ոճի կիսապաշտպանը մերժել է նման հնարավորությունը։
Ներկայում Ռոյսի հրաժարադրամի գումարը պայմանագրով կազմում է 20 միլիոն ֆունտ ստերլինգ։ Նրա ծառայություններով հետաքրքրված են նաև «Մանչեսթեր Սիթիի», «Չելսիի», «Բավարիայի», «Լիվերպուլի» և «Մանչեսթեր Յունայթեդի» ղեկավարությունները։
Տեղեկացնենք, որ «Արսենալը» վերջին տիտղոսը եվրագավաթներում նվաճել է 1994 թվականին՝ հաղթելով Գավադակիրների գավաթի մրցաշարում։
Պատմություններ
