Մեր մրցակիցները բողոքարկում են ՈւԵՖԱ-ի որոշումը

Արդեն տեղեկացրել ենք, որ Եվրո 2016-ի որակավորման փուլում Հայաստանի ազգային հավաքականի մրցակիցներ Սերբիայի և Ալբանիայի՝ Բելգրադում կայացած խաղի ժամանակ տեղի ունեցած միջադեպի հետևանքով ՈւԵՖԱ-ն որոշում էր կայացրել չեղյալ հայտարարել խաղի արդյունքը, այն չվերախաղարկել, իսկ Սերբիային զրկել 3 միավորից։

Սերբիայի ֆուտբոլային միությունը բողոքարկել է այս որոշումը։ «Այս բողոքարկման մեջ նշված են այն փաստարկները, որոնք նորովի կարող են ներկայացնել հոկտեմբերի 14-ի դեպքերը», - ասել է Միության գլխավոր քարտուղար Զորան Լակովիչը։

Հիշեցնենք նաև, որ երկու երկրների ֆեդերացիաները տուգանվել են 100 հազարական եվրոյով, իսկ Սերբիան Եվրո 2016-ի որկավորման փուլի հերթական երկու հանդիպումները կանցկացնի առանց երկրպագուների։ Դրանցից մեկը լինելու է Հայաստանի ազգային հավաքականի հետ խաղը։