Windows ՕՀ-ում հայտնաբերվել է 19 տարվա հնության սխալ

Ամերիկյան Microsoft ընկերությունը թողարկել է Windows օպերացիոն համակարգի անվտանգության թարմացված տարբերակը: Նախորդն իր մեջ պարունակում էր լրջագույն սխալ, որն առկա է եղել համակարգում դեռևս 1995-ից՝  Windiws 95 օպերացիոն համակարգի թողարկման ժամանակ: Նշված խոցելիությունը առկա է Microsoft-ի մինչ այժմ թողարկած բոլոր օպերացիոն համակարգերում: Այն կապված է համացանցի միջոցով տվյալների փոխանցման համար նախատեսված թվայնացման արձանագրությունների իրացման հետ: