Civilnet
Ամերիկացի հայտնի բռնցքամարտիկ Մայք Թայսոնը հայտնել է Վիլյամ Շեքսպիրի պիեսում Օթելլոյի դերը կատարելու ցանկության մասին: Այս մասին հաղորդում է The Mirror-ը:
Նրա խոսքերով` ինքն առայժմ պատրաստ չէ դուրս գալ բեմ, այդ պատճառով ցանկանում է սկզբում աշխատել հեռուստեսությունում:
«Ես շատ եմ ցանկանում Շեքսպիր խաղալ: Չգիտեմ հստակ, թե ինչ դեր եմ ուզում, սակայն հետաքրքիր կլիներ Օթելլո խաղալ: Հիասքանչ չէ՞ Շեքսպիր խաղալ: Այդ սև տղային... Կարո՞ղ եք ինձ Օթելլոյի դերում պատկերացնել», - ասել է Թայսոնը Լաս Վեգասում Soul Train Awards երաժշտական մրցանակաբաշխության ժամանակ:
Թայսոնը մինչև հիմա խաղացել է 55 ֆիլմում, որոնցում մարմնավորել է ինքն իրեն:
Հիշեցնենք, որ Թայսոնը 1987-1990 թվականներին եղել է աշխարհի բացարձակ չեմպիոն: 1992 թվականին նա դատապարտվել է բռնաբարության համար, իսկ 1997 թվականին կծել է Էվանդեր Հոլիֆիլդի ականջը չեմպիոնական մրցամարտի ժամանակ: Նրան բազմիցս ձերբակալել են թմրանյութ օգտագործելու համար:
Պատմություններ
