ՖԻՖԱ-ի նախագահը վախենում է մեկնել ԱՄՆ կաշառակերության գործի պատճառով

ՖԻՖԱ-ի նախագահ Զեպ Բլատերը զերծ է մնում Ամերիկայի Միացյալ Նահանգներ այցելելուց` վախենալով Հետաքննությունների դաշնային բյուրոյից:

Բրիտանական The Daily Mail-ը գրում է, որ Բլատերը մտահոգություն ունի, որ ինքը կարող է հարցաքննվել ՀԴԲ-ի կողմից ԱՄՆ ժամանելուն պես: Բանն այն է, որ Միացյալ Նահանգներում գործ է հարուցվել Աշխարհի 2018 և 2022 թվականների ֆուտբոլի առաջնություններն ընդունող երկրների ընտրության ժամանակ հնարավոր կոռուպցիոն գործարքների կասկածանքով:

Այսօր ՖԻՖԱ-ն հերթական անգամ վերսկսելէ այս գործի քննությունը կազմակերպության ներսում: Գործադիր կոմիտեի որոշ անդամներ պնդում են, որ իրենց գործընկերները Ռուսաստանից և Կատարից կաշառք են ստացել ընդունող երկրներին ընտրելիս: